موثر جدا من الأنبا أنطونيوس عن شهداء دير الانبا صموئيل
الأنبا أنطونيوس، مطران الكرسي الأورشليمي، والشرق الأدنى، ينعى شهداء حادث دير الأنبا صموئيل المعترف بالمنيا الإرهابي، بقصيدة مؤثرة.
وكان مجهولون أطلقوا النيران على أتوبيس،
يقل عددا من الأقباط أثناء سيره بالطريق الصحراوي الغربي، فى طريقهم إلى
دير القديس الأنبا صموئيل المعترف غرب مدينة العدوة، الجمعة الماضية، ما
أسفر عن استشهاد 29، وإصابة 25 شخصًا آخرين.
القصيدة
طفل صغير يوم سألوه
عن دينه ودين أمه وأبوه
بص بدهشة وشاور فوق
أصل لا يمكن مرة يتوه
حطوا المدفع جنب جبينه
وقالوا له إنه يغير دينه.
بص بدهشة وشاور فوق
لقيوا صليب مرسوم في يمينه
قالوا له إنك هتموت
رد بسرعة كفاية سكوت.
بص بدهشة وشاور فوق
كان شايف مجد الملكوت
قال له نخ قوام يا صعيدى
بص المدفع اللي في إيدي.
بص بدهشة وشاور فوق
ربى حبيبى وملكي وسيدي
قالوا يا عيل منك ليه
إنت هتتعب قلبنا ليه.
بص بدهشة وشاور فوق
جسد الغربة أنا هرميه
يعنى خلاص ده كلام رجاله
كنت فاكركوا عيال بريـاله.
بص بدهشة وشاور فوق
إحنا صعايدة أسود شغاله
خد في دماغك طلقة نار
يادي الخيبة ويا دي العار.
ده بص بدهشة وشاور فوق
ومسيحه وربه اللى اختار
يا ولاد المنيا يا جبروت
عصر الشهدا خلاص هيعود
بصوا بدهشة وشاوروا لفوق
متخافش يا عمو احنا اسود.
سارع الآن بالاشتراك في القائمة البريدية ليصلك جديد الموقع على بريدك
ليست هناك تعليقات:
إرسال تعليق